Stortingsmeldinga "Gode bysamfunn med små skilnader"
Stortingsmeldinga 28 om «Gode bysamfunn med små skilnader» samlar politikken til regjeringa for å halde ved lag og styrkje den sosiale berekrafta i norske byar og nabolag, gjennom å leggje til rette for gode levekår, høg livskvalitet og gode oppvekst- og nærmiljø.
For å bidra til gode levekår og samfunnsdeltaking vektlegg meldinga innsats for gode oppvekstvilkår og betre helse, inkludering i utdanning og arbeidsliv, og tiltak for å styrkje deltaking og førebyggje utanforskap. For regjeringa er områdesatsingane i levekårsutsette område eit viktig tiltak for å betre bu- og nærmiljøa og tenestetilbodet i byane der dei treng det mest.
Stortingsmeldinga innehalde desse innsatsområder:
- Økonomisk politikk, universelle velferdsordningar og offentlege tenester.
- Byplanlegging, boligpolitikk og levande lokalsamfunn.
- Levekår og samfunnsdeltaking.
- Områdesatsning i levekårutsette område.
Dei fleste tiltaka i meldinga er allereie lansert i andre dokument eller stadfestar gjeldande politikk.